CHARLOTTE, AP.- Mei mei di un preshon kresiente, polis di Charlotte a nenga ayera na públiko un video ku por solushoná e vershonnan di echonan hopi pisá riba morto di un hòmber kolò skur, na momentu di ku guardia nashonal a yega pa trata di evitá un di tres nochi konsekutivo di violensia den e siudat bou di tenshon aki.
Kerr Putney hefe di polis di Charlotte Mecklenburg a bisa ku si presentá e imágennan kapta pa e kámaranan di e patruyanan i di unifòrm di polisnan durante di morto di Keith Lamont Scott di 43 aña, por stroba e investigashon.
El a bisa na reporteronan ku e video lo keda publiká ora ta eksistí un motibu konvisente pa hasié.
“No spera ku e lo keda divulgá”, asina Putney a bisa. “Mi no ta pone na rísiko e investigashon.
Miéntras tantu un kantidat no revelá di miembronan di guardia nashonal a reuní na Charlotte despues di ser manda pa gobernadó Pat McCrory despues di un di dos anochi siguí di malestar rasial.
Charlotte ta e siudat merikano mas kresiente mei mei di protesta i rekriminashonnan relashoná ku morto di un hòmber koló skur na man di polis, un lista ku ta inkluí Baltimore, Milwaukee, Chicago, New York i Ferguson, Missouri.
Na Charlotte un kantidat grandi di manifestante a ataka djárason anochi reporteronan i otro personanan, okashonando kandela i destrosando bentana di hotèlnan di edifisionan di ofisina i restorantnan den e sekshon di sentro di e siudat. E salon di fama di Nascar tabata entre esnan dañá.
