INDIANAPOLIS, INDIANA, MERKA, AP.- E departamentonan di polis ku a ekipá su agentenan ku kámara korporal den dos estado a retirá esaki i a atribuí e desishon na un subida konsiderabel di kosto. Leinan nobo ta obligá pa konserva e videonan durante un temporada mas largu.
Alrededor di un terser parti di 18.000 agensia polisial di e nashon ta usa kámara korporal komo prueba òf a adoptá esaki pa graba interakshon di agentenan ku sivil.
Sinembargo, departamentonan di Indiana i Connecticut a suspendé su programanan despues ku su estadonan a pone norma pa warda e videonan pa un temporada mas largu.
Clarksville, un lokalidat na sùit di Indiana na nort di Louisville, Kentucky a dispone pa 50 agente i 25 ku ta traha partaim pa usa kámara korporal na 2012.
E programa a terminá na final di yüni na momentu ku e hefe polisial Mark Palmer a suspendé e uso di aparatonan aki debí na un ei nobo di Indiana ku ta obligá e agensia polisial pa archivá e videonan pa 190 dia.
