CARACAS, VENEZUELA, AFP.- Kasi un desena di persona, den su mayoria personal di salú, a wòrdu detené na Venezuela pa publiká informashon relashoná ku e coronavirus nobo, segun afirmashon di e Organisashon No Gubernamental (ONG) di derechi Humano Foro Penal.
Di un sentenar di e detenshonnan “pa motibu polítiko” reportá desde mart, 10 ta korespondé na “personanan ku e referí na e pandemia”, spesialmente trahadónan di salú, segun deklarashon di e direktor di Foro Penal, Alfredo Arturo den un konferensia di video. Foro Penal ta un ONG kritiko di e gobièrnu di presidente venezolano Nicolas Maduro ku ta afirmá ku e gobièrnu tin 362 prezu polítiko den e pais.
Afektá pa e krísis di mas grave den historia moderno, Venezuela ta pasando dor di un deterioro di e sistema di salú, manera skarsedat di produktonan di hospital. Sin embargo, e gobièrnu, kual a haña yudansa humanitario di su aliadonan China i Rusia durante e pandemia a registrá soalmnte 379 kaso di COVID-19 i 10 morto.
