CINCINNAT I , AP. – Preparat ivonan pa e selekshon di hurado a kuminsá den e kaso di tiroteo di un eks agente polisial koló kla pa mata un afroamerikano desarmá den un parada di tráfiko. Durante un oudiensia preliminar breve, e hues Megan Shanahan a risibí un rapòrt riba e proseso di selekshon i a bisa ku e proseso lo kuminsá 25 òktober. Mas di 230 persona a rospondé na e ‘dagvaarding’-nan bisando ku nan por sirbi komo miembro di hurado, miéntras ku basta a keda afó pa diferente rason. Otro siman, miembronan di hurado potensial lo kontestá preguntanan pa keda evaluá di ámbos parti, pa kuminsá ku e proseso di selekshon ku ta keda premirá ku lo dura vários dia. E selekshon oral, ku lo keda realisá den sala di e tribunal ora ku ámbos parti hasi pregunta na e konvokadonan, lo kuminsá dia 31 di òktober. E kaso a keda debatí i partí den e área di Cincinnati, tambe a akapará atenshon mundial awor ku e enfoke kresiente ta di e manera ku polis ta trata e afroamerikanonan.
Polis di Universidat di Cincinnati Ray Tensing, ku a keda despedí, a deklará si e ta inosente di kargonan di asesinato i homisidio boluntario di Sam DuBose, di 43 aña dia 19 di yüli di 2015. DuBos a fayesé despues ku Tensing a tir’é despues di a detené pasobra e no tabatin plachi number dilanti na su outo.
