MANILA, FILIPINA, AP.- Presidente filipino Rodrigo Duterte a ofresé diskulpa djadumingu na hudiunan rònt mundu, debí na deklarashonnan kaminda el a kompará su guera kontra droga ku Hitler i Holokousto, kual a provoká indignashon rònt mundu.
Duterte a bisa ku su diskulpanan tabata dirigí eksklusivamente na e komunidat hudiu. Defensornan di derecho humano a ekspresá preokupashon pa su represhon brutal, ku ta kalkulá di a kousa mas di 3.000 morto di trafikante i konsumidónan den apénas tres siman. Den un diskurso, Duterte a bisa ku nunka e no tabatin intenshon di “derogá memoria di 6 mion hudiu asesiná pa alemannan”. Historiadornan ta bisa ku nazinan di Hitler a mata 6 mion hudiu promé i durante Segundo Guera Mundial.
Duterte a bisa: ‘Hitler a masakrá 3 mion hudiu. Tin 3 mion drogadikto. Lo mi ta hopi felis pa masakrá nan”.
