CIUDAD DI MEXICO, AP.- E universidat ki a otorgá e presidente di México, Enrique Peña Nieto, e título di abogado na aña 1992. A konfirmá ku su tésis tabatin ideanan kopia sin ku el a duna krédito na e outornan.
Universidat Panamerikano a bisa djadumingu ku e echo ku Peña Nieto no a duna krédito adekuá na sierto parti di e tekstonan inkluí den su tésis no a violá e normanan universitario den e tempunan ei.
E sitio, Aristegui Noticias a publiká un análisis anterior di e presidente realisá pa un grupo di akadémiko. El a sostené ku 29% di material di e tésis tabata bini di otro trabounan. Supuestamente el a kopia, di palabra pa palabra i sin atribuishon ni menshon di e bibliografia. Esaki a wòrdu hasí for di 20 paraf di un buki di e eks presidente Miguel de la Madrid.E tésis titulá “Presidensialismo mehikano i Alvaro Obregon” a wòrdu presentá na aña 1991 na Universidat Panamerikano.
Den un deklarashon, e universidat a ninga di hasi uso di e palabra “plagio” pero esaki a bisa ku e tésis di Peña a inkluí “reprodukshonnan tekstual di fragmentonan sin sitashon na e página abou ni den e parti di bibliografia”.
E universidat a sugerí ku e reglanan a bisa mas estrikto desde e tempu ei pero a indiká ku “e Reglamentu General di nos institushon no ta aplikabel pa eks alumnonan”.
