SAN SALVADOR , EL SALVADOR, AP.- E presidentenan di Hondúras, Guatemala i El Salvador a suskribí djamars un plan huntu ku ta inkluí kreashon di un forsa trinashonal pa kombatí ‘gang’-nan i tambe krímen organisá den e paisnan di e tan yamá Triángulo Norte di Sentroamerika. “Nos a uni forsa, nos a pone forsa huntu komo region, pais pa kombatí e krímen organisá i tin kompromiso ku ta bai kuminsá implementá algun di nan ku e konformashon den forsa trinashonal ku ta permití garantisá e trankilidat di mas grandi i seguridat pa e pueblo di e tres paisnan asina e presidente Salvador Sanches Ceren di Salvador a bisa. Na e reunion ku a keda realisá den Kas Presidensial a partisipá e presidentenan di Hondúras, Juan Orlando Hernandez, di Guatemala, Jimmy 
Morales, El Salvador, Sanches Ceren i e ministernan di seguridat públiko, defensa i relashonnan eksterior di e tres paisnan. Na final di reunion e mandatario salvadoreño a splika ku huntu nan a wak “metanan konkreto i ku por hasi un impakto pa fortalesé e seguridat den e paisnan. Tambe nan ta pone e plan regional den kombatí kriminalidat pa organisá na El Salvador, Guatemala i Hondúras kuminsá kana.
Nan a splika ku e forsa trinashonal lo wòrdu kreá, lo kompartí informashonnan di inteligensia i real isá entrega di personanan ku ta detené. Presidente di Hondúras ta bisa ku e sentroamerikanonan i partikularmente esnan ku ta biba nort di e triángulo tin di lucha pa rekuperá pas i trankilidat pa lokual nan tin derechi riba dje.
