FILADELFIA, AP.- Algu mas ku un aña despues ku Zion Harvey di 9 aña a risibí un dòbel transplante di man, djamars el a bisa ku lokual realmente e ke hasi ta hunga futbòl amerikano. “ Mi ta sinti mi mes felis ku mi mannan nobo i tambe mi ta sinti un diferensia. Mi ta gusta ku awor mi por tira un bala di futbòl mas leu di loke mi por a hasi na momentu ku mi no tabatin man, asina Zion a bisa durante un sekshon informativo den e hospital infantil di Filadelfia kaminda na yüli 2015 el a keda operá durante 10 ora.Sumamaiedòkteri terapistanan físiko tabata kompañ’é den e konferensia di prensa. E pashènt di transplante di man mas hóben di e pais a pasa pa un rehabilitashon largu pa siña usa su mannan nobo. Zion a pèrdè su mannan i pianan dor di amputashon shete aña pasá despues ku e la sufri un infekshon grave i tin prótesis na su pianan ku ta permiti’é kana. E luna aki e ta bai purba su habilidatnan nobo kaminda e ta realisá su promé lansamentu den un wega di e ekipo di beisbòl Orioles di e siudat. Dòkter Scott Levin lider di e ekipo ku a operá Zion a bisa ku e la pasa e operashon na un manera hopi bon kompará ku adultonan ku tin di pasa pa prosesonan mas simpel. Dòkter a bisa ku nunka e la mira Zion yora. Tampoko e la mira Zion ninga di hasi su terapianan. Pa dòkter Ziona ta simplemente un ser humano atmirabel. E ta asina balente i ta determiná inspirashon pa tur hende. Zion a bisa ku e ta hopi madurá debí na su mama i su wela kende ta e dos personanan mas maravioso di dje i el a atvertí e mama pe no kuminsá yora. Na Estádos Unídos 28 persona a hasi transplante di man i 11 a hasi na tur dos man segun e Red Uni di kompartishon di órgano. Na nivel mundial mas o ménos 100 persona a hasi un transplante di man òf brasa. E mama di 
Zion, Pattie Ray a bisa ku tabata un temporada largu pero ku awó e ta sinti ku ta manera un soño ku e la soña. E mama a bisa ku e ta biba pe yu i ku e tei pa apoy’é den kualke manera i yud’é hasi kualkier kos ku e ke realisá si ta trata di un bala di futbòl i no un futbòl amerikano e ke trata di kita e pensamentu ku ta hopi peligroso debí ku e ta hunga ku muchanan chikí i no profeshonal. Zion su máksimo esfuerso ta pa konvensé su mama pa lag’é hunga futbòl amerikano.
