MANAGUA, NICARAGUA, AP.- Polisnan di Nicaragua a detené i akusá un maestra pa un delito di tráfiko di emigrantenan despues ku e la intentá di yuda un muhé di Congo ku a pretendé di pasa pa Hondúras ku destino pa Estádos Unídos òf Canada asina fuentenan ofisial a duna di konosé. E sub direktor di polis na Nicaragua, Franciscio Diaz a informá den un reuda di prensa ku e maestra Nilamar Aleman di 54 aña a keda detené despues ku e la trata di fasilitá salida ilegal di e pais na un muhé di Congo di 27 aña ku tabata biaha ku un yu di 10 luna. Segun Diaz e maestra e keda detené na frontera kaminda e la kompañá e señora i e yu pa pasa na e pais bisiña. E detenshon a haña reakshon di diferente sektor di e pais. Masha hopi hende a bai protestá pa eksigí libertat di e maestro. E protestanan tabata bisa ku yuda un próhimo di buska un mihó bida no ta un krímen. Esaki ta inhustisia kontra Nilamar pe ta será pasó el a duna un afrikano òf haitiano algu di kome òf bebe, un yu di 10 luna ku a haña kariño.
Gonzalo Carrion direktor di Centro Nicaraguense di Derechinan Humano a bisa ku e echo aki ta unu di solidaridat ku otro migrantenan haitiano, kubano i afrikano ku ta na frontera sur. 15 novèmber di aña pasá Nicaragua a sera migrantenan kubano o di otro nashonalidat ku ta buska pa medio di su teritorio pa drenta Nort Amérika.
