WASHINGTON, AP. – FBI a habri un búskeda di atakenan di Cyber dirigí riba reporteronan di New York Times i aki ta agensianan di Rusia ta responsabel asina un funshonario estadounidense a duna di konosé. E funshonario a keda informá di e investigashon pero no por a duna mucha detaye pasó e no ta outorisá pa papia di e asuntu i a papia bou di kondishon anónimo. Ta pensa ku e atake tabata dirigí riba algun reportero pero ku e korant no ta den peliger asina e funshonario a bisa. CNN a reportá promé di e investigashon di FBI.
No sa te n’e momentu nan aki kuantu reportero por a keda afektá òf kuantu email a keda ataká. E notisia a okurí na momentu ku outoridatnan federal tabata investigá un atake di Cyber kontra di e Komité Nashonal Demókrata ku ekspertonan independiente den seguridat sibernétiko a atribuí agensianan di Rusia ku a provoká publikashon di koreonan eléktriko interno. E Komité di Kampaña Kongreshonal Demókrata (DCCC) i otro entidat di e partido tambe a resultá afektá. Na komienso di luna e lider di kámara di representantenan a konsehá otro demokratnan pa no permití ku nan famianan kontestá nan telefòn òf lesa nan mensahe di teksto . Despues ku nan a publiká informashonnan pèrsonal i ofisial di miembronan demókrata i masha hopi elemento di e personal di kongreso. Informashonnan ku supuestamente a keda optené pa e atakenan di cyber pa DCCC. E bosero di New York Times, Eileen Murphy no a duna komentario di e investigashon di FBI. Meskos ku hopi organisashon di notisia ta alerta pa protehá nan mes di intentonan di hack den nan sistema asina Murphy a bisa den un komunikado.
