LEHIGH ACRES, FLORIDA, AP.- Un shofùr ku no a entregá paketenan di Amazon na un balor di 121.000 dòler a bisa ku nunka nan no a pag’é. El a keda arestá asina outoridatnan a duna di konosé. Den un prosèsverbal di polis Lee a afirmá ku Julio Hernandez di 36 aña a keda detené djabièrnè pa loke ta trata ladronisia. Luna pasá polisnan a kuminsá ku un investigashon di e ladronisia di míles pakete di Amazon ku mester a keda transportá via tera for di un sentro di distribushon na Ruskin, Florida na Fort Worth na Texas. Hernandez ta un shofùr di un kompania ku a keda kontratá, asina investigadónan bisa. El a ninga di entregá e paketenan despues ku e la bisa ku nunka e la risibí 1.800 dòler ku tabata debe. Agentenan ku a listra su kas a indiká ku nan a haña kònteinernan di Amazon for di piso te na dak den garashi di Hernandez.
