RALEIGH, NORT CAROLINA, MERKA, AP.- Vários tabata opservá e inkietut di klima pa posibilidat di áwaseru intenso.
A pronostiká ku un sistema riba atlántiko lo atkerí forsa di tormenta tropikal despues di rosa kosta djamars, tresiendo áwaseru intenso i bientu fuerte riba islanan dilanti di kostanan konosí pa su playanan trankil. Un otro depreshon tropikal den Golfo di México por yega na nort di Florida komo tormenta tropikal den dianan siguiente i desplasá riba kosta direkshon di Nort Carolina, ounke su trayektoria eksakto ta difísil pa pronostiká ku algun dia di antisipashon.
E kondado na kosta di Dare por sufri bientunan di 72 kilometer pa ora, ku rafaganan mas fuerte ainda i áwaseru ku por kousa inundashon den e zonanan plat mañan. Asina un komunikado di prensa di e agensia di maneho di emergensia a indiká. Den parti sùit, outoridat di kondado di Carteret a atvertí tokante e inundashonnan i a konsehá residentenan pa presta tenshon na e pronostikashnnan.
A deklará un posibilidat pa tormenta tropikal den zonanan di kosta desde Lookout te na Oregon den Outer Banks.
