TOLEDO, OHIO, MERKA, AP.- Un outopista di Ohio, kaminda tin un konekshon entre kosta ost di e pais i Chicago, ta kada biaha mas serka di permití pruebanan di outo outónomo.
Ta probablemente ku esakinan ta kuminsá denter di 12 luna òf posiblemente fin di e aña aki.
Asina direktor ehekutivo di outopista a bisa na The Associated Press.
E funshonarionan enkargá ku e outopista a pasa mas di un aña evaluando e posibi l idatnan, segun indikashon di Randy Cole, su direktor.
Ohio ta un di e estadonan ku ta kompetí pa partisipashon di pruebanan di investigashon riba outonan outónomo, ku ta avansando riba un ritmo slou.
Uber a bisa djaweps ku lo kuminsá transportá pasaheronan den outo outónomo ku shofùrnan respaldá di Pittsburgh, denter di e próksimo simannan.
Pruebanan mester tuma lugá ainda na lugánan nobo i na sitionan kaminda tin eis i sneu, segun indikashon di Cole.
