STO. DOMINGO, REPUBLICA DOMINICANA, AP.- Por lo ménos kuater persona a muri na Repúblika Dominicana i unu mas na Haiti pa e efektonan di orkan Matthew. Segun a informá anteriormente, esaki a subi e sifra di personanan ku a fayesé a kousa di esaki na shete.
E koordinadó di Sentro di Maneho di Emergensia, Juan Manuel Mendez, a detayá den konferensia di prensa ku tres mucha a muri plèchá pa un muraya ku a kai den un bario pober di Santo Domingo. Un persona ansiano a muri den provinsia bisiña di e kapital. A pronostiká entre 38 i 50 centimeter di áwaseru, inkluyendo 100 centimeter na sitionan aislá. Esaki ta inkluí olanan di tres meter, segun meteorólogo Dennis Feltgen, di Sentro Nashonal di Orkan na Miami.
