MIAMI, AP.- Residentenan nèrvioso di Florida a hasi tiendanan bashí i gobièrnu di North Carolina a ordená evakuashon di tres isla miéntras orkan Matthew a menasá ku asotá un sekshon grandi na kosta oriental di Merka den próksimo dianan. Orkan Matthew ta e orkan mas poderoso den Atlántiko den un dékada.
E tormenta a krusa Karibe djamars, kastigando Haiti, ounke tabata demasiado trempan pa antisipá ku esaki ta bai impaktá Florida òf otro partinan di kosta ost di Merka. Ta sperando kresementu di kondishonnan peligroso di orkan Matthew. Un alerta di orkan tabata den vigensia den partinan di Florida, ku ya tabata registrando áwaseru asosiá ku e orkan.
E gobernador d i Florida, Rick Scott, a reuní ku funshonarionan di emergensia a lo largo di e kosta i avansando pa nort. Den un konferensia di prensa na Daytona Beach, el a apuntá ku e rumbo di e orkan por varia rápidamente.
E orkan poderoso di kategoria4amishikutera mainta na Haiti, kaminda mayoria persona ta biba serka di kosta den kasnan di palu òf blòki di semènt. Por lo ménos shete persona a muri debí na e orkan aki. E tormenta tabata dirigiendo pa nort di Bahamas i mester pasa pa kosta di Florida.
Presidente Barack Obama a wòrdu informá tokante rumbo di Matthew i su impakto potensial den Karibe i Merka, segun bosero di Kas Blanku.
