MOSCOW, AP.- Vários desena di ruso a reuní djabièrnè pa un reunion di protesta den marko di e di 25 aniversario, den un intento di gòlpi di Estado frakasá.
Dia 19 di ougùstùs na aña 1991, ocho lider komunista a tuma poder di e presidente Soviétiko Mikhail Gorbachez, deklarando e komo enfermo.
Pero Gorbachev tabata detené. Míles di moskovista a sali den kayanan pa protestá kontra e gòlpi di Estado i e influensia di servisionan di seguridat poderoso.
E derota di gòlpi di Estado di vários dia despues, a pone e disolushon di Union Soviétiko den marcha i ta konsiderá komo e triunfo di demokrasia i libertat sivil na Rusia.
Esnan ku a oponé na e akto 25 aña pasá a reuní djabièrnè atardi pafó di Kas Blanku ruso, un edifisio gubernamental enorme kaminda Boris Yeltsin, èks presidente di repúblika konstituyente denter di e Union Soviétiko, a subi un tanki di guera pa desafiá e gòlpi di Estado. Esaki posiblemente ta e momentu mas sinematográfiko di e resistensia den ougùstùs.
Vários desena di persona, den su mayoria ansiano òf adultonan, a partisipá na e selebrashon. Algun tabata karga banderanan ruso i pòtrèt di protestanan di 1991.
