VATICANO, AP.- Papa Francisco a hasi un yamada na obispunan katóliko den hinter mundu pa hasi tur loke ta nesesario pa garantisá protekshon di e muchanan komo sklabitut laboral, desnutrishon, falta di edukashon i eksplotashon seksual inkluyendo agreshon di parti di pastornan. Ta trata di un piká ku ta un bèrgwensa. Den e karta e pontífise ta lamentá sufrimentu i eksperensianan i e doló den e menornan ku ta sufri abuso seksual di saserdotenan. Ta trata di un piká ku ta duna bèrgwensa, asina Papa a duna di konosé. E personanan responsabel di protekshon di muchanan ta destruí su dignidat. E reputashon di iglesia a keda manchá den diferente pais den e último 15 añanan debí na e víktimanan ku a kibra e silensio i denunsia ku e miembronan di klero a violá nan òf a kansa nan, temporada ku nan tabata chikí. E akusashonnan a mustra ku obispu lokal tin biaha tabata sa di kasonan di agreshon seksual infantil di parti saserdotenan problemátiko ku a keda skondí. Hopi kaso a resultá den demanda multi mionario i huisionan penal. A haña e motibu nesesario pa adoptá e medidanan nesesario i pa protehé den kualke forma bida di nos yunan pa e delitonan no ripití nunka mas. Papa mes tin kritiká pa manera ku Vatikano ta manehá e kasonan di abuso seksual kaminda tin pastornan metí. Papa Fransico a bin ku prosedimentu pa kita obispunan pa negligensia si nan maneho ta di un manera inadekuá pa investigashonnan a base di kasonan di abusu seksual. Sinembargo Papa a mustra su desepshon pa esnan ku ta defendé e víktimanan pa nombrá un obispu chileno akusá di skonde pedofil. E Vatikano a bin ku medidanan mesora despues ku studiantenan surdu na Argentina, e pais kaminda Papa a nase, asina Papa a bisa den un karta fechá 2014 ku un pastor a abusá seksualmente di nan na e skol.
