TAILANDIA, AP.- Un bùs di transporte públiko i un trùk di karga a dal den otro riba e karetera wèst di Tailandia lagando un saldo di 25 morto, asina outoridatnan a informá. E mini bùs a pèrdè kontrol i bai riba man kontrali i a dal kontra un trùk ku tabata riba kontra man. 25 persona a pèrdè nan bida i dos a sobrebibí den e aksidente, asina direktor di polis di e distrito Ban Bung di e provinsia Chonburi a bisa. Tur dos shofùr a muri. Polisnan no a entrevistá e dos sobrebibientenan pero ta investigá kousa di loke a pasa. Tailandia tin e kantidat mas haltu di aksidentenan di tránsito.
