WHITE PLAINS, NEW YORK, MERKA, AP.- Trump a ripití algun palabra pronunsiá den un reunion privá pa su rival Hillary Clinton pa laga parse ku Hillary Clinton ta menospresiá i humiá hóbennan.
Segun un grabashon filtrá den un akto di rekoudashon di fondo den febrüari, Clinton a ekspresá su empatia pa elektornan hóben ku tabata apoyá Bernie Sanders, su kontrinkante den primaria demókrata. Na e okashon aki, e kandidato demókrata pa presidensia di Merka a afirmá ku pa personanan ku no tin ningun oportunidat ekonómiko, e idea “di partisipá den un revolushon polítiko ta hopi atraktivo”. Clinton a referí na e hóbennan komo “e yunan di gran reseshon”.
Usando e palabranan aki, e magnate a afirmá ku Hillary Clinton ta kere ku partidiarionan di Bernie ta biba den kas di nan mayor i ta sin speransa”.
Den un artíkulo, e publikashon konservador digital Washington Free Beacon, afirmá ku e oudio di deklarashon di Clinton a wòrdu filtrá pa hackernan ku a haña esaki despues di drenta e e-mail di un di e miembronan di ekipo di kampaña di e kandidato.
Votadónan hóben a kombertí den un opstákulo pa Cl inton, mayor ia tabata preferá Sanders, un senador di Vermont ku a primintí edukashon grátis na skolnan públiko i nashonalisashon di e sistema sanitario. Sanders a respaldá e eks sekretaria di Estado komo kandidato presidensial demókrata vários luna despues.
E kandidato demókrata a agregá tambe ku el a primintí ideanan grandi rondó di atenshon sanitario i edukashon i tambe kambio di Klima. Den un komunikado publiká despues ku krítikanan di e palabranan usá pa Clinton, e bosero Glen Caplin a informá: “Manera Hillary Clinton a afirmá den su deklarashonnan. E kier pa personanan hóben ta mas idealista i fiha riba metanan grandi”.
