SAN JUAN, PUERTO R I CO, AP. – Algu n asosiashonnan di empresa mas grandi na Puerto Rico a uni forsa pa presentá un demanda pa para un subida di tarifanan eléktriko paso nan ta konsiderá ku esaki lo hasi e krísis ekonómiko den e pais mas pió.
E oumento anunsiá, ta parti di un akuerdo pa restrukturá Outoridat di Energia Eléktriko (AEE), kual debe 9.000 mion dòler. E grupo demandante ta inkluí Asosiashon di Hospitalnan ( AHPR), Asosiashon di Industrial di Puerto Rico ( AIPR), Sentro Uni di Detayistanan ( CUD) i Asosiashon di kontratistanan i Konsultor di Energia Renovabel (Aconer).
Representantenan di e gruponan a bisa djaweps ku e oumento di tarifa di lus ta violá leinan lokal, i ku e restrukturashon ta demasiado kostoso i ta evitá desaroyo di energia renovabel.
Mayoria portorikeño a keha ku e subida ta kore ku invershonistanan tambe. Ademas, nan a bisa ku esaki lo sòru pa negoshinan será pasó algun persona ya ta enfrentá impuesto nobo i otro subida di servisio públiko meimei di un krísis ekonómiko ku ya tin un dékada andando.
