SAN SALVADOR, EL SALVADOR, AP.- Por lo ménos sinku miembro di ‘gang’ a muri djaluna den bashamentu di bala entre forsa di seguridat públiko i delinkuentenan den e zona rural na El salvador. Asina outoridatnan a informá.
Polis Nashonal Sivil ( PNC) a informá ku e konfrontashon a wòrdu registrá na momentu ku forsanan di seguridat a interumpí un reunion ku tabata tuma lugá entre miembronan aki den munisipio di Cojutepeque, den departamento di Cascutan, 33 kilometer na ost di e kapital.
Fiskal General di repúblika a reportá e morto di e sinku personanan aki den e echo di violensia nobo den e nashon di Amérika sentral. Outoridat no a reportá ningun morto entre forsanan di seguridat, ni kaptura.
Segun informenan di polis, te ainda a registrá mas di 300 tiroteo entre forsanan di seguridat i delinkuentenan e aña aki, ku un saldo di 290 miembro di ‘gang’ morto.
El a agregá ku por lo ménos 30 miembro di e korporashon polisial, mayoria di nan den periodo di lisensia a wòrdu asesiná pa e delinkuentenan aki.
Outoridat a atribuí asesinato di 62 polis, 17 militar i seis guardia di sentronan penal i un fiskal aña pasá.
