DURHAM, AP.- E promé tormenta di wenter di e aña aki a trese mas di 30 centimeter di sneu na nort ost di Merka, despues di generá sneu, eis i temperaturanan hopi abou na sùit di e pais. E friu tenas ta persistí den gran parti di Merka ayera djadumingu.
Tres morto ta loke por atribuí na e tormenta na Virginia, Georgia i Kentucky, segun a argumentá di outoridatnan ku ta bisa ku kayanan tabata slep debí na e sneu. Otro aksidentenan fatal ta keda investigá pa determiná si nan ta relashoná ku e klima.
Den kareda di 50 centimeter di sneu a kai na Eats Bridgewater, Massachusetts ku ta keda 50 kilometer di Boston ku zonanan di Rhode Island ku a reportá 30 centimeter i sneu i asta 25 centimeter na Connecticut asina servisio meteorológiko nashon a informá.
E tormenta tabata bai subi osean Atlántiko i e meteorólogonan a informá ku djadumingu mainta e sneu lo baha.
E eis i sneu a kousa míles di aksidente i otro problemanan. Na Mississippi un eks gobernadó a keda hospitalisá despues di a slep i kai na entrada di su garashi. Por lo ménos den 7 lokalidat di North Carolina a reportá 25 centimeter di sneu djasabra i tabata kai ainda mas sneu na sùit ost di Virginia.
Hopi vuelo a keda kanselá den vários airopuerto i a reportá filanan largu den hopi supermerkado di hardware store kaminda e habitantenan a bai kumpra material pa bari sneu sneu i otro artíkulonan.
Skolnan na parti sùit a kanselá lèsnan di awe djaluna debí na eis riba kayanan i e friu inusual. Na e kosta ost e temperatura ta inusualmente abou i e pronóstikonan ta alerta pa posibel áwaseru fuerte riba e eis ku tei kaba.
