GINEBRA, SUISA, AFP.- E direktor di e organisashon mundial di Salú Tedros Adhanom Ghebreyesus a konsiderá prematuro pa deklará un viktoria kontra COVID-19 i bandoná e empeño di detené e transmishon di e vírus.
“Ta prematuro kualke pais kapitul’é òf deklar’é viktorioso”, asina e responsabel a bisa den un rueda di prensa, preokupá pa e oumento di mortonan den nan mayoria den e region di planeta.
Su yamada pa prudensia a produsí na momentu ku algun pais a buska moda di bai na normalidat, porehèmpel Dinamarka e siman aki a kita e restrikshonnan, apesar di registrá un rèkòrt di kaso di COVID-19, estimando ku e kobertura amplio di vakuna i e gravedat abou di e kuadro ku e variante Omicron ta produsí ta pèrmiti’é hasié.
Mas transmishon ta impliká mas morto, asina e dòkter a afirmá.
E direktor di emergensia di OMS Michael Ryan a afirmá su temor di ku algun pais ke imitá e gobièrnu ku ta eliminá e restrikshonnan, pa maneho polítiko, ignorando su situashon epidemiológiko i su kobertura di vakuna.
Maria van Kerkhove enkargá di lucha kontra COVID-19 pa OMS a atvertí riba e relahamentu di e medidanan di prevenshon. “Nos ta efektuá un yamada pa prudensia, ya ku hopi pais ainda no a alkansá e pik di Omicron. Hopi pais tin un nivel abou di kobertura di vakuna”, asina e eksperto a indiká.