QUITO, ECUADOR, AFP.- Un temblor di 5,2 magnitut a wòrdu registrá djaluna na frontera entre Ecuador i Colombia, lagando por lo ménos dos herido di dañonan na 40 kas i sentronan edukashonal den tres pueblo, segun informashon di outoridatnan lokal.
Dos persona a resultá herida segun indikashon di Servisio di Riesgo.
E sistema di Seguridat ECU911 a reportá ku “1 persona a resultá herida despues ku un muraya a kai”, kousando e temblor ku a sosodé serka di San Gabriel.
“Te ainda no a reportá niun hende morto ni pèrdí”, segun indikashon di e Servisio den un komunikado di prensa.
Ekiponan di reskate “ta mobilisando pa duna sosten” i evaluá dañonan ku kordinashon di e Gobernador”, segun indikashon di presidente ekuatoriano, Guillermo Lasso.
Na aña 2016, un temblor ku un magnitut di 7,8 grado a sakudí kostanan di Manabi i Esmeralda, tambe na frontera ku Colombia, ku a laga 673 morto i 6.300 herido i personanan leshoná. Outoridatnan a registrá un kantidat di pèrdida di 3.000 mion dòler.
