MERKA, AP.- Tormenta tropikal Cindy a forma den Golfo di México i ta menasá ku áwaseru fuerte riba un tramo amplio sentral di e kosta.
E Servisio Meteorológiko Nashonal na Miami a bisa ku e sentro di e tormento ta 430 kilometer na sùit di Morgan Coty, Louisiana, ku bientu máksimo sostené di 75 kilometer pa ora. Esaki ta e terser tormento tropikal pa e aña aki.
E sentro a pronostiká ku e sentro di Cindy ta yega kosta di Luisiana djárason anochi i ta desplasá pa tera di parti wèst di Louisiana i ost di Texas djárason. E áwaseru fuerte ta menasá sùit di Louisiana i partinan di Mississippi, Alabama, na nort di Florida djaweps, segun indikashon di meteorologonan.
Tin un alerta pa tormento tropikal desde High Island na kosta di Texas pa boka di Pearl entre Louisiana i Mississppi, inkluyendo unu di High Island pa San Luis Pass.
