RODANTHE, NORTH CAROLINA, MERKA, AP.- Multitutnan ta birando mas skars riba playanan di North Carolina, segun depreshonnan tropikal a menasá ku bientu fuerte i áwaseru intenso ku por inundá e partinan plat den e siudat.
Den otro partinan, un orkan poderoso tabata menasá ku “pasa peligrosamente serka” di Hawaii i un otro depreshon tropikal a desplasá den Golfo di México ku e potensia di tres áwaseru i bientu pa Florida.
Isla Hatteras na North Carolina, un fila slou di outonan di Maryland, New York i Ohio, entre otro, tabata dirigiendo pa un brùg direkshon di e teritorio kontinental, bou di áwaseru fuerte i shelu nublá.
Un playa serka di Rodanthe tabata kasi bashí, ku eksepshon di un pareha ku tabata disfrutá un fakansi ku su yu di 11 aña.
Ta pronostikando ku e depreshon tropikal na kosta ta gana forsa i pasa serka di Outer Banks pa anochi. Esaki lo trese bientunan sostené di 73 kilometer pa ora, áwaseru di 12,7 centimeter den algun área.
Un parti di Sentro Nashonal di Orkan na Miami 15:00 GMT a bisa ku e depreshon tropikal por kombertí pronto den un tormenta tropikal ku nòmber.
