WILLEMSTAD – Un trùk di karga grandi ku trailer di e kompania Heavy Mix a bòltu nèt na entrada di Nieuwpoort. Manera ta konosí na e sitio aki ta bai paden pa buska sea santu òf piedra prinsipalmente pa konstrukshon. Ménos mal e shofùr di e trùk a sali ileso for di e aksidente pero e daño material si tabata konsiderabel. E shofùr di e trùk a splika ku e preshon di airu di e trùk a bai i esaki a pone ku e no por a usa su brek ku konsekuensia a bai bòltu. Tur e karga ku tabata den e trùk, piedra chikí a keda benta den banda tambe. Pues lo tin un trabou ei tambe di limpiesa na e sitio. Na promé bista e daño ta mustra ku ya lo no por hasi uso mas di trùk aki.
