WASHINGTON, MERKA, AFP.- Twitter no ta permití pa eks presidente Donald Trump bolbe plataforma bek, ni maske e bolbe postulá komo kandidato presidensial di Merka segun indikashon di e direktor finansiero di e kompania.
E ekspulshon di Trump for di Twitter a sosodé despues di un rebelion violento di su partidarionan den Capitol di Merka riba 6 di yanüari. Facebook i otro retnan sosial tambe a blòkia Trump despues di e insidente aki.
E eks mandatario tin un huisio polítiko pendiente den Senado pa motibu di e echonan aki.
Trump tabata un usuario aktivo di Twitter durante su kampaña i su kuater añanan den Kas Blanku, usando e plataforma pa su anunsionan polítiko, pa regla kuenta ku su enemigunan i pa su kampaña polítiko.
