WASHINGTON, AP.- Presidente Donald Trump a anunsiá djaweps ku Merka lo apliká mas impuesto riba 10% di produktonan ku bini di China, balorá na 300.000 mion dòler, i oumentando e bataya komersial entre ámbos pais.
E mandatario a hasi e anunsio den un mensahe riba Twitter miéntras e negosiashonnan komersial entre ámbos pais ta kontinuando pero ku un spit abou. Trump a kulpa Beijing tokante e medida komersial nobo, indikando ku e pais asiátiko no a para benta di fentanyl pa Merka òf dor ku e pais no a kumpra produktonan agríkola merikano manera soya, den kantidat grandi.
E preis di akshonnan a wòrdu afektá despues di e notisia. E promedio industrial Dow Jones, ku a subi ku kasi 300 punto, tabata 200 bou di e tweetnan di Trump.
Merka ya a apliká impuestonan komersial riba 25% di produktonan chines na balor di 250.000 mion dòler. China a reakshoná ku impuesto riba produktonan merikano ku balor di 110.000 mion dòler, entre nan produktonan agríkola, den un atake kontra partidarionan di Trump den zonanan rural di Merka.
