CLEVELAND, OHIO, MERKA, AP.- Uní riba un anochi, e republikanonan a nominá Donald Trump komo e nominado presidensial di su partido, loke ta representá e kulminashon di e empresario su avanse pa rangonan republikano i ta pone komo esun ku ta enfrentá demókrata Hillary Clinton den elekshon presidensial novèmber awor.
E kampaña di Trump tabata spera ku e nominashon formal por a pone fin na e desakuerdo ku tin den e Partido Republikano i tapa e komienso kaótiko di e konvenshon. Esaki ta inkluí akusashonnan di plagio ku a involukrá e diskurso di Melania Trump den e seremonia inougural.
E senador di Alabama, Jeff Sessions a kuminsá ku e proseso di nominashon ku un apoyo emoshonal pa Trump, deklarando e komo un “guerero i ganadó”. Tabatin vários momento di diskrepansia den e konvenshon miéntras estadonan kaminda Trump no a gana tabata entregá nan registro.
Su estado natal, New York, ta esun ku a dun’é e sifra ku e tabatin mester pa nominashon.
