BEIRUT, AP.- Turkia a bombardiá kombatientenan sirio kurdo djaweps apoyá pa Estádos Unídos, matando mas di 200 di nan, segun agensia di notisia estatal turko. Ta importante un intensifikason di ofensiva di Ankara den nort di Siria. Un komandante di milisia prinsipal kurdo a konfirmá ku su forsanan a keda ataká pa Turkia na nort di Alepo pero el a desmentí e sifranan di morto ora ku el a afirmá ku no mas di dies di su kombatientenan a muri.
Mas na sùit, den siudat di Alepo, a drenta na vigensia djaweps na un tregua humanitario anunsiá dor di Rusia. Un funshonario di alto rango di ONU relashoná ku asistensia humanitario, Jan Engeland, a bisa na Associated Press ku Nashonnan Uní a risibí garantia verbal di ku e tregua di tres dia lo keda ampliá den un hornada mas te djaluna próksimo pa permití evakuashon di heridonan for di e interior di e siudat. Tur bou di supervishon di personal di e organisashon mundial.
E minister di defensa di Rusia, Serguie Shoigu, a konfirmá e ampliashon di paro na bombardeo
Pero a bisa ku lo tarda solamente un dia. Di momento tabata imposibel kompaginá e diferensianan entre vershonnan di Shoigu i Engeland.
Te na e momentunan aki, no tabatin indikashon di ku e abitantenan lo probechá di e propuesta di bandoná e siudat di manera safe.
Tabatin informashon di enfrentamentu den un di e komunikadonan anunsiá pa ehérsito sirio. Mediante alta bos, e ehérsito a bisa residentenan pa marcha i na rebeldenan pa pone nan armanan abou. “E bataya pa regresá na Alepo pa kontrol di e nashon ta den su último fase. No tin kaso pa kontinuá ku e lucha”, asina por a keda skuchá for di un ‘retén’ ubiká na Alepo den e zona di kontrol di gobièrnu i zona di kontrol di insurgentenan.
E mensahero di ONU pa Siria, Staffan de Mistura, a insistí ku e tregua unilateral tin komo úniko propósito pa permití evakuashon di esnan heridá i no ta parti di un plan mas amplio ku el a proponé pa e siudat situá na nort, lokual e konfirmashon di presidente Bashar Asad ta kontradesí den su mayoria
Sivil tabata deseá di sali for di e lokalidat. Di su parti, e kansier aleman Angela Merkel a bolbe pronunsiá su mes pa un tregua den Alepo miéntras ku e primera dama britániko Theresa May a pidi e paisnan di Union Europeo pa uni nan mes na e kondena di intervenshon ruso na Siria i na fabor pa pone un fin tras di e “atrosidatnan repugnante” perpetuá pa Moscow den teritorio sirio.
Ainda ora Alepo tabatin un kalmu relativamente, Turkia a intensifiká su bombardeo kontra forsanan kurdo den e provinsia.
