CAIRO, AP.- Uber a lansa un servisio di minibus na Cairo, e kapital egipsio ku ta un di e merkadonan di kresementu mas rápido pa e kompania.
Ku un kampaña intenso riba merkadonan emergente, e kompania ta spera di atraé miónes di egipsio den áreanan urbano krónikamente kongestioná i remplasá vehíkulonan personal. Uber a invertí 100 mion dòler den un sentro di yudansa na kliente pa Medio Oriente i nort di Afrika ku sede na Cairo.
E direktor general Dara Khosrowshahi a bisa ku e kompania kier oumentá su kantidat di usuario global di 100 mion pa 1.000 mion. E servisio nobo Uber Bus ta parti di e plan aki.
E minibusnan ku Uber kier usa ta komun den e kapital egipsio. E vehíkulonan aki ta e úniko forma aksesibel di biahe pa miónes di egipsio, kaminda transporte públiko no ta sufisiente.
E kompania lo introdusí un vershon mas simpel di su app, pa esaki wòrdu wòrdu usa riba selularnan ménos avansá.
E rival regional di Uber, Carrem, ku sede na Dubai, a bisa ku a lansa un servisio di minibus na Cairo i tin planiá di ofresé un servisio similar na Saudi Arabia i Pakistan.
