MOSCOW, AP.- E presidente venezolano Nicolás Maduro a yega Rusia djamars, den un bishita dirigí na haña sosten meimei di un krísis ekonómiko profundo den e pais suramerikano. Maduro lo reuní ku presidente Vladimir Putin djárason.
Merka i algun pais europeo a sanshoná e gobièrnu di Maduro komo parti di esfuersonan pa preshoná Venezuela pa un regreso na demokrasia.
E asesor di polítika eksterior di Putin, Yuri Ushakov, a bisa ku Rusia lo ekspresá su respaldo na un diálogo na Venezuela i a agregá ku tur “e problemanan polítiko interno mester wòrdu resolvé den un diálogo habrí entre e forsanan polítiko”.
El a enfatisá ku “kualkier preshon eksterno riba e gobièrnu di Maduro ta kontraprodusente i lo no yuda kalma e situashon i establesé stabilidat.
Ushakov a agregá ku Putin i Maduro lo papia tokante e koperashon den e sektor di petroli.