UKRANIA, AFP.- Ukrania a proponé pa tene un ròndu spesial di negoshashon ku Rusia, den e siudat di Mariupol, ku parse ta na punto di kai den mannan di Rusia, despues di simannan di e guera.
Na mes momentu Rusia ta mantené su preshon militar na ost di Ukrania, ku a risibí un sosten di Union oropeo,, ta disidí di hasi tur loke ta posibel pa e eks repúblika soviétiko gana e guera kontra Mòsku.
“Si, sin niun kondishon. Nos ta dispuesto na organisá un ròndu spesial di negoshashon na Mariupol”, asina e negoshadó haltu ukraniano, asesor di presidente Mijailo Podoliak a bisa riba Twitter.
“Pa salba nos muchanan, e batayon Azov, e sòldánan, e sivilnan, e muchanan, esnan bibu i herida, henter mundu”, asina el a enfatisá.
