NEW YORK, AP.- E kandidato republikano pa Kas Blanku, Donald Trump, a bisa ku e elekshon di 8 novèmber ta bai “wòrdu manipulá”. Esaki ta un afirmashon sin presedente i mayoria merikano atraé na su kampaña ta duda efektivamente den eksaktitut di e konteo di voto.
Solamente alrededor di un terser parti di republikanonan ta bisa ku nan tin bastante òf hopi konfiansa ku e votonan di elekshon di e aña aki ta wòrdu kontá di forma hustu, segun un enkuesta elaborá pa The Associated Press-Norc Center for Public Affairs Research. Mitar di esnan ku tin un opinion faborabel di Trump no ta konfia den integridat di e proseso di konteo. Asina e enkuesta a agregá.
E temor di froude ta infundá. No tin prueba di eksistensia di un problema di konteo di voto den Merka. Un estudio realisá pa un profesor di Fakultat di lei di Loyola a haña solamente 31 kaso di froude elektoral. I akinan tabata trata di hendenan ku a vota ku identidat di otronan.
Alrededor di mitar di republikanonan i solamente un kuart di demókratanan ta pensa ku tin hopi froude elektoral.
58% di esnan ku kier vota pa Trump ta pensa ku tin froude i solamente 18% di siguidónan di Clinton ta bisa meskos.
