SIUDAT DI MEXICO, AP.- Desena di defensor di derecho di homoseksual i lesbiana a marcha djadumingu direkshon di e Katedral Metropolitano di Siudat di México pa apoyá matrimonio entre personanan di mesun sekso. Esaki un dia despues ku míles di persona a manifestá kontra esaki. E manifestantenan a karga bòrchinan bisando nos tambe ta famia i Mi ta respetá bo famia, respetá esun di mi.
E marcha di djadumingu a tuma lugá un dia despues di protesta djasabra den vários siudat di e pais den oposishon di matrimonio gay. Den mei, presidente Enrique Peña Nieto a proponé pa legalisá matrimonio entre personanan di mesun sekso den e pais. Partido Revolushonario Institushonnan di Peña Nieto a sufri revesnan fuerte den elekshon i desde e tempu ei a keda pasivo pa loke ta trata e inisiativa aki.
