COTEAUSX, HAITI, AP.- Kasi un luna a pasa desde ku Orkan Matthew a asotá parti sùit di Haiti i mayoria mester gasta e tiki sèn ku nan a sobra na awa limpi.
Pos òf tubunan di kual e hendenan den e península aki ta dependé di dje pa awa limpi a wòrdu kontaminá òf dañá pa e subida di laman. E awanan shushi di pos òf riu ta transporte pa bakteria di kólera, kual epidemiólogo nan ta sospechá di a infektá míles di persona desde ku e orkankategoria4apasa.
No tin sufisiente awa limpi pa bebe i ménos pa baña, den sitionan manera Coteaux. Esaki a hasi e situashon di mayoria ku a pèrdè su kas mas grave.
Un kantidat di organismonan internashonal a traha intensamente pa limpia e posnan kontaminá. A distribuí miónes di tablet purifikadó i instalá stashonnan di tratamentu di awa na sitionan mas gòlpiá pa e orkan. Pero esaki no ta sufisiente.
Mas o ménos 90% di tubunan ku ta transportá awa na sùitwèst di Haiti a wòrdu dañá pa e orkan di 4 di òktober, segun servisio di obranan sanitario. E posnan, tantu privá komo komunitario, a wòrdu kontaminá den tres provinsia.
