LONDON, AP.- E atake mortal ku un trùk na Fransia a marka un realidat nobo i spantoso di terorismo na Europa.
E ekstremistanan ta probechando kada biaha mas di rekursonan pa nan arsenal. Nan atentadonan ta birando mas difísil pa prevení.
E tipo di violensia aki no ta nobo den Europa, pero e saldo fatal di djaweps, a laga por lo ménos 84 morto, i a representá un di e atakenan motorisá mas letal den añanan resien.
Ainda e motibu di e atake no ta evidente, e shofùr tunesio a dal den un multitut di hende ku tabata wak vürwèrk durante selebrashon di dia di Bastilla. Kontrali na atakenan ku vehíkulo kargá ku eksplosivo, e kantidat haltu di number a wòrdu akusá pa e peso i velosidat di e trùk.
“E uso di vehíkulonan pa realisá atake ta un táktika bon establesé di Al Qaeda i Estado Islámiko”, segun Matthew Henman, supdirektor di jane’s Terrorism and Insurgency Center, di IHS.
“E uso deliberá di un trùk pisá pa enfoká riba un multitut ta mustra ku esaki ta un inisio pa otro atakenan similar”.
Simpatisadónan di Al Qaeda i grupo Estado Islámiko a alabá e atake di djabièrnè, pero niun hende a tuma responsabilidat pa esaki ainda.
E grupo ekstremista a pidi su simpatisadónan pa usa kualkier kos pa realisá atakenan, e último atentadonan den añanan resien tabata ku avion, trèktòr i otro vehíkulonan. Esaki a inkluí arma di kandela,kuchú, machete, bòm i eksplosivo.
