HOBOKEN, NEW JERSEY, MERKA, AP.-Outoridatnan di riel a atvertí desena di violashon durante un ouditoria den seguridat i maneho di e korporashon di transporte públiko di New Jersey.
Esaki a pasa vários luna promé ku un trein di pasahero a aksidentá. Esaki a laga un muhé morto i mas di 100 persona heridá. Asina un funshonario federal a bisa na The Associated Press djasabra.
E funshonario,kende a haña sa di e ouditoria aki a pidi pa keda anónimo debí ku e no tabata outorisá pa hasi deklarashon tokante un investigashon andando.
E atministrashon di riel a kuminsá den yüni ku e ouditoria despues ku a atvertí un subida den e kantidat di insidente riba riel manera “desena di violashonnan” ku mester di korekshon inmediato. Asina e funshonario a señalá.
E agensia di transporte di pasahero a haña but debí na e ouditoria i a agregá ku agensianan federal ta trahando ku e kompania pa garantisá kumplimentu di normanan federal di seguridat den e sektor.
Treinnan di kompania di transporte públiko di New Jersey tabata impliká den mas di 150 aksidente ku a kousa mas di 4,8 mion dòler den dañonan riba riel i ekipo desde promé di yanüari 2011, segun statistiknan federal.
