INSERTIDUMBRE PA MARCHA OPOSITOR
CARACAS, VENEZUELA, AP.- Faltando ménos di 48 ora pa e marcha na Caracas pa eksihí realisashon di e referèndem revokatorio di mandato di Nicolás Maduro, realisashonnan di ofisialismo pa aktonan di violensia ta kresiendo i tambe denunsia di oposishon di un persekushon di su dirigentenan. E detenshon di e integrante di Boluntat Popular Yon Goicoechea, akusá pa un dirigente ofisialista di tin “eksplosivo na su kurpa” a sende alarma den oposishon venezolano.
Outoridatnan no a ofresé komentarionan riba e echonan aki ainda.
” Tin un desborde represivo di parti di gobièrnu”, segun afirmashon di sekretario ehekutivo di e aliansa opositor Jesus Torrealba.
Oposishon lo usa mobilisashon pa impulsá rekolekshon di firma di 20% di elektornan nesesario pa aktivá e referèndem kontra Maduro.
Oposishon kier realisá e referèndem pa e aña pasá, pero e kronogram ku Konseho Nashonal Elektoral a establesé a generá duda ku e referèndem por tuma lugá promé ku 10 di yanüari 2017. Esaki ta e fecha kaminda mitar di mandato di Maduro ta wòrdu kompletá. Konstitushon ta establesé ku si e referèndem wòrdu kompletá despues di e mandato, esaki mester wòrdu kompletá pa visepresidente di gobièrnu di Maduro.
