FLAGSTAF, ARIZONA, MERKA, AP.- Un zona na nort di Arizona kaminda un hóben di 17 aña a muri despues di a keda alkansá pa un welek ta konosí pa su klima ekstremo. Djárason tabatin mas di 100 welek ku a kai den lapso di un ora, segun outoridat.
Polis di kondado Coconino no a identifiká ku e mucha a muri djárason atardi despues ku el a wòrdu alkansá pa un welek serka di Humphrey’s Peak, serka di Fagstaff. E adolesente i dos hóben mas di Tempe, Arizona, tabata den e tòp mas haltu di Arizona na momentu ku un tormenta fuerte a sorprendé. E grupo a yama e number di telefòn di atenshon di emergensia algu promé ku 1’or di mèrdia pa pidi yudansa.
Cory Mottice, un spesialista di Servisio Nashonal di Meteorologia, a bisa ku a registrá 106 welek ku a mishi ku tera i 393 di nubia pa nubia mèrdia i 1’or di mèrdia i ku e intensidat di e tormenta a kuminsá disminuí despues di esei. E temporada di áwaseru ta momentu ku e tormentonan eléktriko ta mas komun.
Sinembargo, e ekiponan di reskate a purba yega serka ekskurshonistanan pero mester a warda pasó e welek nan a hasié insigur pa esaki kontinuá. Asina Eriika Wiltenmuth, bosero di hefe di polis a indiká i a agregá ku por a yega serka te 4’or di atardi.
