NEW YORK, AP.- Yahoo a eksaminá algun shen mion di kuenta elektróniko riba petishon di agensianan merikano di inteligensia òf hudisial. E análisis, kual a wòrdu reportá pa Reuter, a selekshoná mensahenan ku a kontené un serie di karakter no publiká.
Yahoo, no a nenga e rapòrt, i a bisa únikamente ku esaki ta un kompania respetuoso di lei i ta sigui leinan di Merka.
Segun e rapòrt di djamars, Yahoo a aseptá pa kumpli ku un òrdu di gobièrnu di 2015 pa proporshoná Agensia di Seguridat Nashonal i FBI akseso na e- mailnan. Reuters a sita fuentenan anónimo, inkluyendo dos eks empleado di e kompania i un otro persona mas ku konosementu di e echonan.
