WILLMESTAD – E barku di Marina Hulandes Zr.Ms. Holland, nabegando bou di bandera di Wardakosta di Karibe Hulandes, den e último dos siman di desèmber a interseptá dos transporte di droga den laman Caribe. E asina yamá ‘go-fast’ a wòrdu detektá pa e avion di patruya di Wardakosta. Mesora Zr.Ms. Holland a wòrdu aktivá pa bai interseptá e go-fast. A lansa e boto rápido di e Holland ku a alkansá e go-fastnan. E sospechosonan i e kontrabanda a wòrdu traspasá pa e outoridatnan di Aruba.
For di òktober 2022 Zr.Ms. Holland ta fungi komo stationschip‘ den e área di laman di Caribe e ta traha na turno pa Wardakosta di Caribe Hulandes òf huntu ku Wardakosta Amerikano. Ku e dos último interseshonnan di droga e total di kontrabanda ku Zr.Ms. Holland a interseptá ta yega un total di mas ku 10.500 kilo. En total e barku a interseptá mas ku 35.000 kilo den 2022.
