BERLIN, ALEMANIA, AFP.- Kasi 45 agente a resultá heridá durante manifestashonnan di fin di siman na Berlin, inkluyendo protesta kontra restrikshonnan pa kontené infekshon di e Corona vírus, segun indikashon di polis. E manifestantenan a bolbe reuní djadumingu.
Mas o ménos 133 persona a keda detené den protestanan djasabra, segun indikashon di polis den un komunikado. E manifestantenan a keda detené pa delitonan manera resistensia di outoridat entre otro.
Mas o ménos 20.000 persona a partisipá den e “Dia di Libertat” na Berlin djasabra. Nan a manifestá kontra e prevenshonnan di Corona vírus kual segun nan ta limitá libertat individual. Mayoria no a bisti masker òf tene distansia di un meter i mei.
