WASHINGTON, AP.- Presidente Donald Trump ta bin ku un inisiativa pa evitá e suisidio di eks sòldánan pa medio di supsidionan ekonómiko na programanan komunitario.
Trump a firma un òrdu di ehekushon ku ta pidi e agensianan ofisial pa desaroyá un plan denter di 12 luna.
Lo krea un komishon ku lo elaborá un sistema paresido na esun di supsidio na programanan estatal i lokal pa haña kas aksesibel na veteranonan. E inisiativa ta buska ademas kordinashon entre e diferente agensianan di gobièrnu pa nan kompartí nan estudionan riba suisidio.
Aktualmente, mei mei di morto pa medio di suisidio di algun 20 veterano di guera pa dia, kasi dòbel e kantidat di poblashon general. Ta kalkulá ku di e 20 eks militarnan suisida, 14 no tabata bou di atenshon médiko di e atministrashon di veteranonan, pa kual ta hasi nesesario pa mehora e akseso na e individuonan aki.
Kas Blanku no a revelá e kosto na e programanan.