BUENOS AIRES, AP.- Segun un resolushon emití pa un korte di apelashon na Argentina, te ainda no tin prueba pa avansá ku demandanan kontra eks presidente Cristina Fernandez. E ta wòrdu akusá pa labamentu di plaka.
Kámara Federal di Buenos Aires ta respaldá e desishon di hues federal Sebastian Casanello, kende a sostené den novèmber ku “no tin sufisiente prueba pa prosesá” e eks mandatario i senador aktual di oposishon den un investigashon kaminda e ta konsiderá komo sospechoso di laba plaka pa un empresario di konstrukshon.
E investigashon aktual no ta kompleto, asina e resolushon a determiná.
