LAWTON, OKLAHOMA, AP.- Mas di 100 persona a protesta djasabra bou di un ola di kalor fuerte dilanti di un base di Ehérsito na Oklahoma kontra plannan di presidente Donald Trump su gobièrnu pa detené e muchanan imigrante den e instalashon aki.
Merikanonan ku asendensia hapones i indígena merikano a uni na e protesta i blòkia un kaya di e siudat.
Tabatin un mobilisashon similar dilanti di Fot Sil riba 22 di yüni, un sitio ku e gobièrnu federal a usa pa refugia hapones i merikanonan di asendensia hapones durante Segundo Guera Mundial.
E plan ta pa detené 1.400 mucha inmigrante temporalmente den e base serka di Lawton, kual ta keda 130 kilometer na sùitwèst di Oklahoma City.
Fort Sil a wòrdu usa pa refugia menornan inmigrante na aña 2014 durante gobièrnu di presidente Barack Obama.
Ounke un kaya a wòrdu sera, e aktividatnan di e base no a keda interumpí.