SANTA CLARITA, CALIFORNIA, MERKA, AP.- Un persona a muri i vários mas a resultá heridá djaweps durante un tiroteo na un skol sekundario na sùit di California. Polis a detené e agresor, segun informashon di outoridat.
Hospital Henry Mayo Newhall, den siudat di Santa Clarita, a tweet ku un pashènt a fayesé, dos pashènt mas ta den kondishon krítiko i un último persona su kondishon ta stabil. E kantidat di heridonan a kambia.
Departamento di Polis di Kondado Los Angeles a indiká ku e agentenan a rospondé na un yamada di emergensia relashoná ku un tiroteo na Skol Sekundario Saugus, na Santa Clarita, mas o ménos 48 kilometer na nortwèst di sentro di Los Angeles.
E hefe polisial di kondado Los Angeles, Alex Villanueva, a informá na radio emisora KNX ku a arestá e agresor.
Agentenan polisial fuertemente armá a eskoltá e studiantenan for di e skol. E bosero di Kas Blanku, a bisa ku presidente Donald Trump ta monitòr e reportahenan.
Skol Sekundario Saugus i algun skol den e área a permanesé será.
