TORONTO, AP.- Canada ta den kontakto ku Ukrania desde ku e pais a haña sa ku 63 siudadano kanades a muri riba e buelo komersial ukraniano ku a kai algu minüt despues di a lanta buelo den e kapital iraní, segun indikashon di e promé minister.
E gobernante, Justin Trudeau a deklará djárason ku su kansier ta den kontakto ku e gobièrnu di Ukrania i ku su minister di transporte ta den kontakto ku su kontrapartenan internashonal.
Sinembargo, Canada lo pasa difikultat pa haña un aklarashon di Iran komo ku Canada a sera su embahada einan na aña 2012 i suspendé su relashonnan diplomátiko.
E kansier kanades Francois-Philippe Chamagne a bisa djárason ku esaki tabata un notisia trágiko i a ofresé su kondolensia na e víktimanan. El a primintí ku lo mantené tur kanades na altura konforme e situashon ta desaroyá.
E aksidente di avion di Ukraine International Airlines a sosodé djis algun ora despues ku Iran a lansa un atake kontra basenan iraní ku trupanan merikano. Pero funshonarionan ta sospechá ku un fayo mekániko a kousa e insidente.