CHILE, AP.- Juan Carlos Espinoza un hóben bombero di Valparaiso ta paga un kandela feros ku a kaba ku masha hopi kas na momentu ku el a sa ku su propio kas ta na kandela. Pero el a opta pa sigui yuda su bisiñanan di e parti ei na Chile ku ta na kandela. E kandela a kuminsá for di mondi kohiendo direkshon di laman. Espinoza ta pertenesé na e di 16 kompania di bombero di Laguna Verde ku ta keda pega ku Valparaiso 120 kilometer nortwèst di Santiago. Espinoza ta traha pa salba bida den e zona di Caleta Portales i tambe e ta bombero na un pais kaminda e hòmbernan ku ta paga kandela no ta haña ningun oumento salarial. El a bisa ku e tabata na laman na momentu ku el a mira kandela den serunan i den 10 minüt el a yega kas bisti su pañanan di bombero i bai yuda kombatí e kandela.
E ta paga kandela na otro kas mirando kon su kas mes ta na kandela, tabata hopi tristu pero e no por a permití di a keda kibrá pa e echo ei. Pero un organisashon privá a bisa ku nan lo yud’é traha su kas bèk kaminda e ta biba ku su tata i su rumannan. Na momentu ku bomberonan tabatin e kandela dominá e vlamnan a bolbe subi bèk debí na bientu ku a kuminsá lanta ku forsa i ku ta responsabel pa kandela ku a destrosá rápidamente djaluna último. E manera desordená ku e kasnan ta den e seru na Valparaiso ta e problema konstante di kandelanan i e kamindanan ku outo no por pasa i tambe skarsedat di awa. Na 2013 280 kas a kima i tabatin 1200 damnifikado. Na aprel 2014 tabatin e kandela di mas pero ku a kaba ku 3000 den 20 di e 42 serunan i a mata 15 persona.